Bakı Marafonu 2026 başlayır!

Marafonda iştirak etmək istəyən fiziki şəxslər üçün təyin olunmuş ödəniş məbləği 20 AZN-dir.

Korporativ iştirakçılar (hər şirkətdən minimum 10 iştirakçı olmalıdır) hər iştirakçıya görə 100 AZN ödəməlidir.

Tələbələrin marafonda iştirakı üçün vəsait Heydər Əliyev Fondu tərəfindən ödənildiyindən, onlar qeydiyyat zamanı ödəniş etməyəcəklər.

Xarici vətəndaşlar üçün qeydiyyat ödənişi 100 AZN-dir.

Qeyd: Azərbaycan Respublikasının ərazisində müvəqqəti yaşamaq üçün icazə vəsiqəsi olan şəxslər üçün qeydiyyat 20 AZN təşkil edir.

Həmin şəxslər vətəndaşlığını qeyd edərək “Ş/V seriya nömrəsi” bölməsinə icazə vəsiqəsinin seriya nömrəsini yazaraq qeydiyyatdan keçə bilərlər.

Korporativ iştirakçılar (hər şirkətdən minimum 10 iştirakçı olmalıdır) hər iştirakçıya görə 100 AZN ödəməlidir.

Korporativ iştirakçılar qeydiyyatdan keçmək üçün [email protected] e-poçt ünvanına yazmaqla, Bakı Marafonunda iştirak üçün müraciət edə bilərlər.

Yarışda iştirak etmək istəyən 18 yaşdan yuxarı şəxslər yanvarın 21-dən aprelin 25-dək Bakı şəhərinin ticarət mərkəzlərindəki (“28 Mall”, “Gənclik Mall”, “Dəniz Mall”) qeydiyyat məntəqələrinə və ya “Bakı Marafonu - 2026”-ın saytına (marathon.az) müraciət edə bilərlər.

Qeydiyyat zamanı müvafiq anket formasını doldurmaq, şəxsiyyət vəsiqəsinin surətini (tələbələr, eyni zamanda, tələbə vəsiqəsinin surətini təqdim etməlidirlər) təqdim etmək və iştirak üçün müəyyən olunmuş vəsaiti ödəmək lazımdır.

Bəli. Onlayn qeydiyyatdan keçmək üçün www.marathon.az saytında “Qeydiyyat” bölməsinə daxil olun, yarışa qatılmaq üçün sizə uyğun paketi seçin və qeydiyyatdan keçin.

“Bakı Marafonu - 2026”in rəsmi Facebook və Instagram səhifəsini izləməklə, marafon gününə tam və peşəkar səviyyədə hazırlaşa bilərsiniz. Çünki burada həm gündəlik məşq planınız, həm də qida rejiminiz paylaşılacaq.

Marafon 42km 195m məsafəni əhatə edəcək.

“Küləyə qalib gəl” şüarı altında doqquzuncu dəfə keçiriləcək Bakı Marafonu bu il ilk dəfə olaraq 42 kilometrlik məsafədə təşkil olunacaq. Start Dövlət Bayrağı Meydanı, finiş isə Sea Breeze ərazisində olacaq. 42 kilometrlik məsafəni əhatə edən marafon bu marşrut üzrə keçiriləcək:

Dövlət Bayrağı Meydanı → Dənizkənarı Bulvar → Bakı Dəniz Vağzalı → Neftçilər prospekti → Bakı Ağ şəhər Bulvarı → 8 Noyabr prospekti → Yusif Səfərov küçəsi → Sevgi Parkı → Heydər Əliyev Prospekti → BAKU Arena → Böyük İpək Yolu küçəsi → Müzəffər Nərimanov küçəsi → Ziya Bünyadov Prospekti → Böyükşor küçəsi → Böyükşor körpüsü → Balaxanı dairəsi → Böyükşor - Pirşağı yolu → Bakı Dairəvi Yolu (Bilgəh - Pirşağı Şosesi) → Sea Breeze.

Yarış iştirakçılarının özləri ilə minimum sayda əşya götürməsi tövsiyə olunur.
“Bakı Marafonu – 2026”-ın start nöqtəsi Dövlət Bayrağı Meydanı, finiş nöqtəsi isə Sea Breeze ərazisi olacaq. İştirakçı öz istəyinə uyğun olaraq əşyanı təhvil verərkən onun götürüləcəyi məkanı (start və ya finiş zonasını) yerində müəyyənləşdirə bilər.
Yalnız marafon iştirakçıları öz əşyalarını təhvil zonasına verə bilərlər.
Əşyanızı təhvil verərkən onun üzərinə stiker yapışdırılacaq. Həmin stiker tədbirdən öncə marafon nömrənizlə birlikdə sizə təqdim olunacaq. Zəhmət olmasa, əşyanızı təhvil zonasına verməzdən öncə ona yarış nişanı stikerinin bərkidildiyinə əmin olun.
Əşyalarınızı təhvil verdiyiniz zaman edəcəyiniz seçimdən asılı olaraq marşrutu tamamlayaraq finiş xəttinə — Sea Breeze ərazisinə çatdıqda, həmçinin yarışı başa vurmadan start zonasına qayıdan iştirakçılar üçün əşyaların götürülməsi mümkün olacaq.
Əşyalarınızı yarış günü saat 09:00-dan gec olmamaqla təhvil verməli və həmin gün 21:00-dan gec olmamaqla, təhvil almalısınız.

“Bakı Marafonu - 2026”ın mükafatlandırması iki kateqoriya üzrə həyata keçiriləcək. Marafonun kişi və qadın iştirakçıları qaçış zolağında ilk 3 yer uğrunda mübarizə aparacaqlar. Hər iki kateqoriya üzrə 1-ci yerin qalibi 6 000 AZN, 2-ci yerin qalibi 4 000 AZN, 3-cü yerin qalibi isə 2 000 AZN məbləğində pul mükafatı və hədiyyələrlə, eləcə də medal və sertifikatlarla təltif olunacaqdır.

Bundan əlavə, 42 km məsafəni tamamlayan bütün iştirakçılar və yalnız 21 km məsafəni başa vuran ilk 2000 iştirakçı medal ilə təltif olunacaq, 10 km məsafəni tamamlayan iştirakçılar isə sertifikatla mükafatlandırılacaqlar.

Hər il olduğu kimi, qadın və kişi kateqoriyaları üzrə finiş xəttini ilk keçən tələbələr arasında “Gənc ol” (Azercell), eləcə də “finiş xəttini ilk keçən ən yaşlı iştirakçı”, “finiş xəttini ilk keçən korporativ iştirakçı” nominasiyaları üzrə də mükafatların təqdim olunması nəzərdə tutulur.